Prej disa ditësh vendi ynë është prekur nga koronavirusi dhe qytetarët janë mbyllur brenda banesave të tyre duke zbatuar masat parandaluese të marra nga qeveria. Lokalet, restorantet dhe të gjitha ambientet që mbledhin grumbullime të mëdha njerëzish janë mbyllur. Gjithashtu është ndaluar transporti urban, por edhe makinat private.
Në këtë situatë sa të qetë, por edhe ankthioze, gazetari investigativ Artan Hoxha ka publikuar në rrjetet sociale një video ku na tregon se si rrugët e Tiranës janë zbrazur dhe i duket sikur është kthyer në vitin zero.
Hoxha është opotimist dhe shkruan se ne si popull kemi kaluar shumë sfida, njerëzimi ka njohur shumë fatkeqësi dhe pikërisht kjo është sfida jonë e radhës dhe ne do t’ia dalim.
Statusi i Hoxhës:
“Tirana, viti zero….
Ora 03:45, as qen dhe as mace neper rruge, se njerez dhe makina as qe behet fjale…
Ky shi i shtruar qe bie mbi qytet, mbase e pastron pak ajrin. Sepaku fshesaxhinjte e Lali Erit, shiu i ka penguar te ngrejne pluhurin ne oret e nates…
Duket si heshtje varri para stuhise se madhe qe pritet te kaloje ketyre aneve…
Ky komb, nga me te vjetrit ne Europe, i ka mbijetuar per mijera vite furtunave te kohes, pushtuesve me te fuqishem qe ka njohur historia e njerezimit, fatkeqesive natyrore, invazionit e shovinizmit te parreshtur nder shekuj te fqinjeve tinzar, izolimit gjysmeshekullor nga bota moderne dhe keq-qeverisjes. Kjo eshte vetem sfida e radhes…. ”, shkruan Hoxha.
VIDEO:
Diskutime rreth kësaj post