Artan Hoxha nxjerr “zbuluar” kryeministrin Rama: Çfarë më kërkoi kur erdhi në pushtet

Gazetari investigativ, Artan Hoxha ka komentuar rikthimin e çështjes së 21 janarit në prokurori ku humbën jetën katër protestues.

Ai u shpreh se Partia Socialiste e kishte kontaktuar kur kishte ardhur në pushtet dhe i kishte kërkuar të dhëna për drejtuesit që kanë qenë në krye të detyrës në kohën e PD-së dhe që ishin ende në detyrë.

“Në të tre rastet e hetimeve, unë jam interesuar vetë dhe kam dërguar pamje në lidhje me ato që unë kisha, sapo PS-ja ka ardhur në pushtet më kanë kërkuar të dhëna për drejtuesit që kanë qenë në krye të detyrës në kohën e PD-së dhe vijonin të ishin sërish në krye të detyrës, menjëherë sapo kuptova një gjë të tillë unë heshta, se mua më interesonte që të zbardhej ngjarje”, – tha Artan Hoxha.