Arrestohet vëllai i ish-deputetit të PS, i akuzuar për pjesëmarrje në grupe kriminale

Policia ka vendosur në pranga Xhelal Rrajën, vëllai i ish-deputetit të PS-së Rrahman Rraja. Gazetari Igli Çelmeta raporton se Xhelal Rraja u arrestua pasi ishte shpallur në kërkim në kuadër të operacionit “Revanshi”.

Ndaj vëllait të ish-deputetit socialist rëndojnë akuzat për pjesëmarrje në grup të strukturuar kriminal dhe për sigurim të kushteve për të kryer vrasje.

“Pas një pune të mirëfilltë hetimore, është bërë e mundur kapja e shtetasit në kërkim Xh. Rr. Xh. Rr. ishte shpallur në kërkim, pasi gjykata i kishte caktuar masën e sigurisë “Arrest në burg”, në vijim të operacionit “Revanshi”, për pjesëmarrje në grup të strukturuar kriminal dhe për sigurim të kushteve për të kryer vrasje”, njofton policia.

66-vjeçari Xhelal Rraja akuzohet se krijoi kushtet dhe materiale për vrasjen e ish-deputetit socialist, Arben Ndoka.

“Sigurimi i kushteve dhe i mjeteve materiale per të kryer vrasje “, ne dem te shtetasit Arben Ndoka, kryer ne forme te veçante te bashkepunimit, ate te grupit te strukturuar kriminal, “Grup i strukturuar kriminal” dhe “Pjesemanje ne grup te strukturuar kriminal”, informonte SPAK.