Monika Kryemadhi, është pyetur lidhur me hapjen e fushatës nga Partia Demokratike në sheshin “Nënë Tereza” dhe përse LSI nuk ishte në shesh.
Kryemadhi tha se në hapjen e fushatës u bë prezantimi i kandidatëve të PD-së dhe se nuk kishte kuptim prezenca e LSI, sepse ata e kanë nisur me kohë prezantimin e kandidatëve në rrethe. Megjithatë në studio pati debat, me analistët që ishin të interesuar të kuptonin përse opozita nuk ishte bashkë në shesh sot.
Pjesë nga debati:
Arjan Çani: Pse nuk ishit bashkë në shesh?
Kryemadhi: Ishin kandidatët e PD-së që u prezantuan.
Arjan Çani: Çudi e madhe që nuk ishit atje me Lul Bashën. Nuk mund t’ju ndalonte Rama të ishit bashkë, siç ju ndaloi koalicionin. Sikur një fjalim të kishe mbajtur ti, të thoshe vij këtu me aleatim tim Lul Basha, mos harroni se ne do jemi bashkë. Nuk e kuptoj Monika përse?
Kryemadhi: A kemi dy vjet që jemi bashke? Bojkotuam zgjedhjet bashkë. Dorëzuam mandatet bashkë.
Arjan Çani: Jemi dy muaj para zgjedhjeve. Truri im nuk është i përgatitur të kujtohem, meqë Monika para dy vjetësh dogji mandatet qenkan bashkë. Unë mund të marr mesazhin, nuk qenka LSI atje dhe merr mesazhin që në 25 prill sipas rezultatit, Monika mund të jetë prap me Ramën. Ju duhet të ishit për të mos lënë gojët e liga të flasin.
Kryemadhi: Më thuaj kur ke pasur marrëveshje parazgjdhore midis një partie të majtë dhe një të djathtë? Më thuaj në 30 vjet tranzicion, kur ke patur nënshkrimin e një marrëveshje mes një partie të majtë dhe të djathtë para zgjedhjeve? Kemi patur Meta me Berishën pas zgjedhjeve. Kemi patur dhe në 2017, Basha me Ramën, jo të nënshkruar.
Arjan Çani: Unë fola për simbolikë Monika.
Kryemadhi: Pse ajo që kemi bërë nuk është simbolikë? Mund ta mbyllim fushatën bashkë. Kjo nuk është pyetjë për mua. Kur kam bërë konventën time kombëtare nuk e kam ftuar Bashën. Sot ai ka shpallur kandidatët e tij. Unë kam dy muaj që kam shpallur kandidatë nëpër zona. Po prit se ka edhe 30 ditë.
Zheji: Monika ke përgjigje politike?
Kryemadhi: Nuk është pyetje për mua, por për organizatorët.
Arjan Çani: Nuk të tha Luli ty, a do dalim bashkë apo vetëm?
Kryemadhi: Do të dalim, kemi fazën e dytë të fushatës.
Arjan Cani: Kjo ishte festa, ishte dasma. Ku janë krushqit?
Kryemadhi: Dasma është në 25 prill. Kjo është drekë e dajave. Pyesni zotin Basha jo mua.
Arjan Çani: Me sa kuptova, qenka Basha ai që nuk e k thirru. Basha ka bërë një gafë, sepse e pa në 2017. Ai duhet të mësojë nga gabimet e 2017. Pastaj më thoni mua përse fiton Rama, ja përse fiton Rama, sepse në 2017 ju përçau keq dhe Basha i binte LSI dhe jo Ramës. Këto janë shenja jo të mira për një popull që nuk do Ramën, por ca njerëz që janë bashkë. Ju nuk jeni bashkë.
Diskutime rreth kësaj post