Anëtari i Këshillit Kombëtar në PD paralajmëron “tërmet” në politikën shqiptare: Do ndodhë shumë shpejt

Anëtari i Këshillit Kombëtar në Partinë Demokratike Aleksandër Biberaj u shpreh se shumë shpejt Shqipëria do të shkojë në zgjedhje të parakohshme, kurse ka shtuar se Edi Rama ikën me zgjedhje të lira.

Ai tha se nëse Rama nuk pranon do të kemi protesta, që të detyrojmë qeverinë që të krijojë qeveri tranzicioni.

“Unë mendoj se do të kemi zgjedhje të parakohshme, shumë afër do të jetë. Madje, do kemi edhe zgjedhje lokale njëkohësisht. Mendoj se kjo do vijë sapo të përmbushet Reforma Zgjedhore. Në rast se maxhoranca nuk pranon, do të kemi protesta, që të detyrojmë qeverinë që të krijojë qeveri tranzicioni. Mendoj se Komisionet duhet të jenë ndryshe, me prokurorë, me arsimtarë etj.

Por kjo nuk bëhet me këtë qeveri, por me qeveri tjetër. Kjo sepse kjo qeveri e ka dëshmuar se bashkëpunon me krimin. Edi Rama ikën me zgjedhje të lira e të ndershme. Mirëpo Rilindja e ka bërë rrugë që bashkëpunon me bandat, vjedh, por në vetvete është minorancë. Është koha për një fillim të ri. Në PD ka të rinj, brenda Partisë Demokratike kemi rotacion elitash”, tha Biberaj në News24.