Analisti Ermal Hasimja u shpreh se skenari për të larguar ish-kryeministrin Sali Berisha nga Grupi Parlamentar mund të prodhojë “stuhi të forta” në Partinë Demokratike.
“Patjetër. Kjo është pjesë e lojës. Është kollaj ta heqësh. Edhe Basha edhe PD…dhe të tjerët që donin ta largonin, natyrisht që i bëjnë llogaritë me një stuhi të brendshme që mund të shkaktojë z. Berisha, por dhe përmes mbështetësve të tij brenda vetë PD”, tha ai.
Gjithsesi, Hasimja mendon se skenari më i mirë në këto rrethana do ishte që ish-lideri historik të largohej vetë nga Partia Demokratike, por edhe kjo zgjedhjE shton ai e ka një kosto në kurriz të Berishës.
“Mendoj se në të gjitha rastet PD do të goditet. Dilemat e z. Basha kanë lidhje me atë që kërkon më pak goditje. I vetmi skenar që mund të funksionet mirë është që vetë z. Berisha të vendoste të largohet vetë për të mirën e PD, por nëse e bën këtë do duhet ta marrë mbi supet e veta damkën që i është vënë”, tha ai për Euro News Albania.
Diskutime rreth kësaj post