Analisti Preç Zogaj ka komentuar ftesën për bashkëpunim që kryeministri Edi Rama i bëri mbrëmjen e djeshme Lulzim Bashës. Sipas Zogajt, se nuk është i pamundur krijimi i një koalicioni të madh mes PS-së dhe PD-së për hir të integrimit europian.
I ftuar në emisionin ‘Opinion’, Zogaj theksoi se edhe nga disa ndërkombëtarë është diskutuar kjo ide.
“Rama është i lodhur, edhe i velur ndoshta. Ka kohë që i vjen rrotull kësaj ideje. E kam konstatuar këtë gjë edhe në takime me disa ndërkombëtarë të cilët e diskutojnë këtë gjë sepse ata kërkojnë zgjedhje që Shqipëria të përshpejtojë integrimin. Është edhe diversioni i madh. Këto deklarata nuk ka arsye pse të bëhen sot. Vendi ka nevojë për qeveri dhe opozitë. Nëse rezultati i zgjedhjeve imponon formula të tjera nuk është herezi. Nëse rezultati i zgjedhjeve imponon një formulë tjetër atëherë duhet të hapet një diskutim dhe duhet të kërkohet një zgjidhje. Nëse koalicioni i madh në çon më shpejt në Europë, ne zgjedhim koalicionin e madh”, – u shpreh Zogaj.
Diskutime rreth kësaj post