Ambasada Amerikane jep njoftimin e rëndësishëm për të ndihmuar të rinjtë

Ambasada amerikane ka bërë me dije se ka nisur programi më të ri për të ndihmuar të rinjtë në komunitetet e shkollave të mesme në zonën e Kukësit të eksplorojnë synimet e tyre të karrierës. ”Zv. Shefja e Marrëdhënieve me Publikun Lucija Straley i nxiti nxënësit të vendosin qëllime ambicioze dhe ti ndjekin ato me vendosmëri”, thuhet në njoftim

Postimi i ambasadës amerikane:

“Këndi Amerikan në Kukës dhe Qendra Per Progres Rinor nisën programin e tyre më të ri duke ndihmuar të rinjtë në komunitetet e shkollave të mesme në zonën e Kukësit të eksplorojnë synimet e tyre të karrierës. Nxënësit nga shkollat e mesme në Bardhoc, Shtiqen, dhe Gostil morrën pjesë së bashku me nxënësit nga shkolla e mesme Havzi Nela në Kukës. Zv. Shefja e Marrëdhënieve me Publikun Lucija Straley i nxiti nxënësit të vendosin qëllime ambicioze dhe ti ndjekin ato me vendosmëri. #RiniaUdheheq.”