Aksident i rëndë në Itali, humb jetën 22 vjeçari shqiptar

Një shqiptar ka humbur jetën mbrëmjen e së shtunës si pasojë e një aksidenti të rëndë rrugor.

Ngjarja ka ndodhur në Agazanna të Italisë dhe bëhet me dije se viktima është Klodian Murrizi 22 vjeç, i cili udhëtonte me një makinë tip Toyota Rav 4, kur mjeti humbi kontrollin dhe u përmbys duke dalë nga rruga.

Sipas mediave italiane pas përmbysjes, fuoristrada shpërtheu në flakë duke i marrë jetën shqiptarit me banim në Gossolengo të Italisë. Gjithahstu në automjetin e aksidentuar ndodhej gjithashtu edhe një person tjetër rreth 22 vjeç, i cili është dërguar në spital në gjendje të rëndë për jetën.

Ndërkohë autoritetet përkatëse po punojnë për zbardhjen e plotë të këtij aksidenti.