Aeroporti i Rinasit tjetër njoftim me rëndësi: Për të fluturuar drejt Greqisë duhet të pajiseni me kod

Aeroporti Ndërkombëtar i Tiranës ka bërë një njoftim me rëndësi për të gjithë pasagjerët që kërkojnë të udhëtojnë në Greqi.

“Në vëmendje të pasagjerëve që udhëtojnë drejt Greqisë”.

“Aegean Airlines” njofton se duke filluar nga data 16 korrik 2020, të gjithë pasagjerët që udhëtojnë drejtë shtetit grek duhet të plotësojnë Formularin Elektronik të Gjurmës së Pasagjerit (e-PLF) i cili mund të merret 24 orë përpara udhëtimit.

Formularin e aplikimit e gjeni në faqen zyrtare të qeverisë greke https://travel.gov.gr.

Pas plotësimit të formularit, do t’ju vijë nje email me kodin individual QR.

Do t’ju luteshim, të pajiseni patjetër me këtë kod, sepse ndryshe nuk do t’ju mundësohet fluturimi për në Greqi. Nga ky rregull, përjashtohen pasagjerët që kalojnë tranzit nga Greqia dhe kanë tjetër destinacion. Për çdo informacion të mëtejshëm ju lutem kontaktoni agjencitë turistike ose kompaninë ajrore Aegean Airlines,” përfundon Aeroporti i Rinasit.