A po përgatiteni për të qenë pasardhësi i Berishës? Habit përgjigja e Ilir Metës

Kryetari i Partisë së Lirisë, Ilir Meta, është shprehur se historia e “vulës” së PD-së, është historia më e turpshme e këtyre 32 viteve të pluralizmit politik.

Komentet Meta i bëri teksa ishte i ftuar në emisionin “Log”. në Panorama TV, ku tha se kjo histori tregoi rrëzimin e shtetit të së drejtës.

Meta shtoi se e gjithë kjo situatë ku ndodhet sot PD, është falë kontrollit brutal të gjykatave nga kryeministri Edi Rama.

Pjesë nga biseda në studio:

Xhafo: A keni koment për sondazhet që të nxjerrin politikanin më pak të pëlqyer?

Meta: Nuk jam për tu marrë me sondazhet që dihet nga financohen. Por këto janë zgjedhje shumë të rëndësishme. Buxheti i Tiranës ka qenë 1.4 miliard euro dhe këto para janë bërë rrush e kumbulla dhe në 4 vite nuk është bërë një mbledhje e Këshillit për buxhetin.

Prandaj vrapohet sot për të hedhur një asphalt, për t’i hedhur hi syve qytetarëve dhe për të justifikuar vjedhjet në Bashkinë e Tiranës. Qytetarët nuk duan që këto 1.4 miliard euro të bëhen rrush e kumbulla. Kandidatët tanë kanë avantazh të madh ndaj atyre të “Rilindjes”, sepse kanë dalë nga një proces i hapur zgjedhor. Ne e dimë si janë rrugët në Astir, në Shkozë dhe në 80 % të kryeqytetit.

Alibali: Unë jam dakord me atë që tha Lorenci se këto zgjedhje janë një pedanë për ato të vitit 2025. Unë mendoj se ka filluar fushata edhe për vitin 2025. Unë kam dëgjuar fjalimet tuaja dhe të zotit Berisha, ku qëllimi duket se është për më tej. Fillimisht ju keni deklaruar se do të mbështesnit kandidatët e Primareve dhe do të dilnit me kandidatë tuajt për këshilltarë, por u futët në koalicion. Mos vallë po përgatiteni për të dalë në zgjedhjet e 2025 si një parti e vetme me “Rithemelimit”? Jeni pasardhësi i Berishës?

Meta: Nuk është momenti për të spostuar vëmendjen e 14 majit në historira të pakuptimta për mua. Ne jemi për të folur këtu për të folur për planin e tij për transportin publik falas. Nuk duhet të harxhojmë kohë me teknikalitete, sepse ju e dini që historia e vulës me PD-në është historia më e turpshme në 32 vite të pluralizmit politik. Tregon rrëzimin e shtetit të së drejtës falë kontrollit brutal të gjykatave nga Edi Rama.

PD duhet të konkurronte me siglën e saj dhe forumet e saj. Është e pamundur që PD të strehohet te PL, sepse PD është kaq e madhe. Nuk është ndonjë sakrificë e madhe kjo që po bëjmë. Këtu jemi bashkë edhe me PD-në. Ne kemi një koalicion formal. Kemi shumë parti të tjera si FRD, etj.