A ka ende vend për panik pas tërmetit të fortë? Sizmiologët më në fund japin lajmin e mirë: Situata drejt normalitetit

Pas tërmetit 6.3 ballë të 26 Nëntorit, janë shënuar plot 1260 nën goditje të tjera sizmike. “Këto pasgoditje nuk kanë asnjë efekt në dëmtime strukturore”, tha sizmologu.

Por Rrapo Ormeni thotë se trendi i tyre ka ardhur në rënie, çka dëshmon se vala sizmike po shkon drejt shuarjes.

“Sa më i madh tërmeti aq më të mëdhenj janë edhe pasgoditjet dhe janë shënuar disa pasgoditje të mëdha. Ky është një tregues i mir që kjo energji atje po clirohet deri sa të stabilizohet plotësisht”.

Mëngjesin e së shtunës është shënuar një tërmet 3.1 ballë në zonën e Korçës, por Ormeni thotë se nuk ka lidhje mes dy fenomeneve, pasi ndodhen në pllaka tektonike të ndryshme.

“Tërmete të tillë bien gjatë ditës disa, s’kanë lidhej këto lloj thyerje me njera tjetrën. Aktivizimi i Korcës është një thyerje tjetër, aktivizohet më vete”.

Sizmiologët qetësojnë duke thënë se gjithsesi në Tiranë apo zona të tjera që ndodhen më larg epiqendrës nuk ka vend për panik, pasi lëvizjet nuk janë të rrezikshme./tvklan