Kreu i Grupit Parlamentar të PS-së Taulant Balla, në një prononcim për mediat pas përfundimit të mbledhës në selinë rozë me drejtuesit politik në qarqe, deklaroi se listat e kandidatëve për deputetë të Partisë Socialiste do të jenë risi.
Balla theksoi se PS do të respektojë afatet, kurse shtoi se Partia Socialiste ka vetëm një aleat dhe ai është qytetari.
“Ne respektojmë afatet e vendosura nga Kodi Zgjedhor. PS ka vetëm një aleat, njerëzit e zakonshëm të këtij vendi. Kemi marrë impute edhe nga platforma “Shqipëria që duam”, për t’ju dhënë mundësi grave dhe burrave të vendit nga çdo vend, në lista do keni djem e vajza që kanë jetuar jashtë dhe janë të gatshëm që të japin kontribute.
Është e pafalshme që politika shqiptare nuk i ka dhuruar mundësi shqiptarëve jashtë që të marrin pjesë në zgjedhje. Është e pafalshme që PD dhe LSI kundërvihen ndaj vullnetit për shqiptarët që jetojnë jashtë. Listat do jenë risi. Kemi punë për të bërë, andaj na duhet ky mandat”, u shpreh Balla.
Diskutime rreth kësaj post