A është Basha peng i Berishës? Politologu zbulon prapaskenat e deklaratës së ish-kryeministrit për rikthim në krye të PD

Politologu Roland Lami ka folujr në lidhje me situatën pas zgjedhjeve të PD-së dhe fitores së Lulzim Bashës.

Ndërsa Lami tha se Berisha ka qenë garancia e Bashës për të qenë në krye të PD-së, por do t’i ngelet këtij të fundit të vendosë që të vijojë të jetë peng i Berishës apo do rindërtojë një model tjetër për hir të ambicies për t’u bërë kryeministër.

Denis Dyrnjaja: A është i vërtetë rikthimi i Berishës, a është i nevojshëm?

Roland Lami: Kjo është vlera e dorëheqës së Ruçit, i cili duke u dorëhqeur, i ka dhënë mundësi të krijojë imazhin në dy parti politike, njëri dorëhiqet për shkak të konsumit, ndërkohë që Berisha që do të ishte e pritshme të kishim dorëheqjen shihet si shpresë e PD-së dhe individ që jo vetëm nuk do dorëhiqet por do të jetë më ambicioz se kurrë për ta marrë PD-në. Ndoshta edhe për të kontrolluar juridikisht, se defakto se ajo ka ndodhur.

Roland Lami: Ruci thotë fitoren e mandatit të tretë një kontribut e kam dhe unë, unë po dorëhiqem se konsumi, lodhja politike, nuk ia vlen të vijoj karrierën time. Nga ana tjetër Berisha i thotë Bashës jo vetëm s’do të dorëhiqem por do të jem agresiv për aktivitetin politik. Ky kontrast si thoni nuk do të kalojë pa u vënë re nga publiku? Do të jetë një strategji e ardhshme që unë do distancohem nga e shkuara dhe tjetra do të vij duke u karakterizuar me të shkuarën.

Denis Dyrnjaja: E komplikon prezenca e Berishës PD-në?

Roland Lami: Brenda PD-së të ngresh çështjen e sfumimit të figurës së Berishës je në kufijtë e herezisë, që për një pjesë e saj mund të jetë legjitime, por e parë brenda interesit të PD-së, kthehet në problem që nuk e shohin me shumë optimizëm prezencën e tij aktive në strukturat e PD-së sepse gjerat lëvizin, njerëzit janë më të informuar kërkojnë një ndryshim në aspektin që mund të funksionojë në PD.

Denis Dyrnjaja: A është Basha peng i Berishës?

Roland Lami: Berisha ishte dje garancia që Basha duhet të jetë kryetar por jo kryeministër i Shqipërisë. Do të jetë kreu i PD-së që do vendosë të jetë peng i Berishës apo do rindërtojë një model e do zgjedhë një mënyrë tjetër për hir të ambicies për t’u bërë kryeministër.