A e lejon Kushtetuta kryeministrin Edi Rama që të kryejë dhe funksionin e Ministrit të Jashtëm? Kjo është një nga temat që ka nxitur debat në rrethin e juristëve në 24 orët e fundit.
Për ish-Ministrin e Drejtësisë Ylli Manjani, jo. Duke e sqaruar se ky është një interpretim i lirë që ai i bën dy neneve të Kushtetutës, përkatësisht neneve 95 dhe 103 të saj.
“Neni 103 e ndalon specifikisht ministrin të kryejë funksione të tjera. Pra vërtetë Kryeministri nuk ndalohet të jetë ministër, por ministri nuk mund të jetë njëkohësisht edhe Kryeministër”, sqaron Manjani per emisionin “Open”, duke shtuar se i takon presidentit, kryeministrit dhe Parlamentit që të bëjnë interpretimin e duhur.
Ndërkohë në Facebook për këtë çështje ai ka shtuar: “Ky ka qenë një diskutim i gjatë gjatë hartimit të këtyre neneve të Kushtetutës dhe u shkrua kështu pikërisht për të ndaluar këtë propozim që bën sot Edi Rama. Kuriozët mund ta gjejnë këtë informacion në zbardhjen e debatit për hartimin e Kushtetutës, që është një zbardhje e regjistrimeve të mbledhjeve të Komisionit Shtetëror për Hartimin e Kushtetutës”.
Diskutime rreth kësaj post