Pas shpalljes së ish kryeministrit të vendit, Sali Berishës, non grada nga Departamenti Amerikan i Shtetit ka nisur një debat i nxehtë politik nëse Berisha do jetë në sesionin e ri Parlamentar.
Lidhur me këtë çështje shumë të diskutuar është pyetur edhe zv/Kryetari i Lëvizjes Socialiste për Integrim, Petrit Vasili. Vasili nuk pranoi të bente asnje koment, duke u mjaftuar thjesht se këto janë çështje të brendshme që i takojnë Partisë Demokratike.
Deklarata e Vasilit:
“Nuk kam asnjë koment. Janë çështje tërësisht të brendshme të PD-së. LSI dotë ecë pa kthim mbrapa. Së pari duhet të hetohet deri ne fund, përgjegjësitë e atyre që kanë kapur reformen ne drejtesi. Të gjithë jemi dëshmitarë të një drejtësie në kolaps, që nuk funksionon. S’kemi qenë në parlament por kemi qenë shumë aktiv. Sot opozita duhet të luftojë 7 ditë të javës jashtë parlamentit, pranë qytetarëve. Së dyti, duhet të hetohet deri në fund 25 prilli. Kush nxorri të dhënat e qytetarëve? Kush shpërdori fondet publike? Kush ia dha në dorë të dhënat patronazhistëve? Kush shkeli në të gjitha pikat ligjin zgjedhor? Objektivi i tretë i madh është hetimi i kapjes së ekonomisë. Si mund të shmanget hetimi i dhjetëra koncesioneve të dhëna nga parlamenti njëpartiak. Pa zbardhur këto çeshtje… Ndërkohë që ne bisedojmë të tjerë largohen. Shqipëria qeveriset në mënyrën më të keqe, të pabesë të mundshme. Këto janë 3 rrugët ku duhet të ecë opozita, përndryshe ajo do të ishte një farsë. Përballë kemi një mazhorancë shkatërruese te 5 qershorit“, tha Vasili.
Diskutime rreth kësaj post