Pas situatës së vështirë të Koronavirusit, në vendin tonë janë marrë masa të rrepta për të ruajtur sigurinë. Masa janë marrë edhe nga televizionet, të cilët kanë vendosur që të shmangin publikun në sallë dhe të ftuarit në studio.
Pas këtij vendimi, të shumtë kanë pyetur Arbana Osmanin se çfarë do të ndodhë me emisionin “Dua të të bëj të lumtur”.
Kësaj pyetjeje moderatorja i ka kthyer përgjigje nëpërmjet një postimi në Instagram.
Ajo thotë se për 2 javë, emisioi do të transmetohet sepse është i xhiruar më parë, ndërsa për më vonë nuk ka ende një njoftim zyrtar.
“Shumë prej jush më kanë pyetur në lidhje me vazhdimin e “Dua të të bëj të lumtur” dhe dua t’ju komunikoj se do të jemi në trasmetim këtë të shtunë dhe të shtunën e ardhshme. I kemi regjistruar më përpara këto episode që do t’ju bëjne shoqëri gjatë ditëve në vijim. Shpresoj shumë që kjo situatë të kalojë sa më shpejt e të mos na duhet të ndërpresim punën, por për momentin, është shëndeti mbi të gjitha, mbi punën, mbi qejfet, mbi argëtimin. Ju lutem qëndroni në shtëpi mbroni veten dhe të tjerët, bashkë do t’ia dalim”, – shkruan moderatorja.
Diskutime rreth kësaj post