A do të pësojë LSI katastrofë pas zgjedhjeve? Jorida Tabaku flet për marrëdhënien e PD-së me partinë e çiftit Kryemadhi-Meta

Drejtuesja politike e Partisë Demokratike në Tiranë, Jorida Tabaku, ka zbuluar sesi janë marrëdhëniet e Partisë Demokratike me Lëvizjen Socialiste për Integrim.

-Po për komentin e Ramës se LSI do pësojë katastrofë pas zgjedhjeve?

I vetmi që i trembet dhe është në panik e sipër është kryeministri. Opozita e bashkuar është në terren. Në sondazhet tona PD dhe aleatët marrin mbi 20 deputetë në Tiranë, që bëjnë shumicën dërrmuese të votave. E kuptoj që situata është duke i ikur nga duart.

-Si i keni marrëdhëniet me LSI?

PD është në krye të koalicion opozitar dhe ka marrëdhënie të shkëlqyera me të gjithë aleatët, duke përfshirë edhe LSI. Nuk ka asgjë opozita, është e gjithë përballë një të keqe të madhe, që është Edi Rama.