Kryeministri Edi Rama në një prononcim për gazetarët pas mbledhjes së kryesisë së PS, nuk la pa ‘thumbuar edhe opozitën.
“PD e ka marrë vendimin vetë për t’u larguar nga Parlamenti dhe me këtë ka dëmtuar rëndë veten e saj, por qeveria është votuar për të qeverisur e jo për të pritur të zgjohen të tjerët nga gjumi”, kështu u përgjigj kryeministri Edi Rama për gazetarët kur u pyet lidhur me një ftesë të mundshme për opozitën jashtë parlamentit dhe nëse 2020-a do e zgjidhë krizën politike.
Sipas kryeministrit mirë do të ishte që PD të ishte në Parlament, por mungesa e saj tha ai nuk ka krijuar vakum për mosfunksionimin e tij.
“Unë mendoj që vendi s’ka vakum, s’ka se Kuvendi funksionon, procesi legjislativ ecën, ne reformat po i çojmë përpara me prioritete që kemi përcaktuar. Do ishte mirë që PD të ishte në Parlament, ka marrë vendimin e vet të iki, është një vendim që tregon se ka dëmtuar rëndë vetë PD padyshim që s’e ka bërë më të mirë jetën politike të vendit. Nuk është se e ka cënuar për mosfunksionim, mund të funksiononte më mirë, por gjithmonë nuk ka diskutim që ne jemi të gatshëm të ulemi në tryezë, të diskutojmë të dëgjojmë reflektojmë kur ka ide pozitive por ne jemi të votuar e dënuar të udhëheqim s’jemi për të pritur që dikush të zgjohet nga gjumi apo të përfundojnë shtriqjen para se të vijnë në punë”, u shpreh Rama.
Diskutime rreth kësaj post