Analisti Frrok Çupi në një intervistë të dhënë për ‘Fjalën’ ka komentuar edhe ftesën për bashkëpunim të kryeministrit Rama për Lulzim Bashën.
Sipas Çupit, ideja e Ramës për bashkëpunim me opozitën është ide që e bën politiken tonë aq moderne sa edhe politika e vendeve në Evropë.
Faktori ndërkombëtar u shpreh në njohje të rezultatit, ndërsa u bëri thirrje mazhorancës dhe opozitës që të bashkëpunojnë gjerësisht në reformat kryesore.
Çfarë parashikoni, Rama do të ndajë pushtet real me Bashën dhe nëse po a bie përfundimisht fryma e opozitarizmit në vend?
“Njohja e zgjedhjeve është një shans për opozitën, që të dëshmojë më në fund një akt të mirë për kombin. Po të mos njohë zgjedhjet humb për vete dy jetë më shumë. Aleatët tani po na vëzhgojnë. Ideja e Ramës për bashkëpunim me opozitën është ide që e bën politiken tonë aq moderne sa edhe politika e vendeve në Evropë. Është një ide që zbut dhe përsos jetën tonë shtetërore e politike. Është një ide që e sjell opozitën në rolin e saj të dobisë ndaj kombit: Të pranojë e të ndihmojë në europianizimin e vendit, të mos pengojë zgjidhjen e çështjeve të kombit, si buxheti, konstitucioni, Drejtësia, tërmetet, pandemitë, diplomacinë, etj. Nuk është fjala për të krijuar kabinet të përbashkët qeveritar. Ç’kuptim do të kishte? PS ka 74 deputetë, pse i duhen të tjerë?” – tha Çupi.
Diskutime rreth kësaj post