Analisti Arjan Curri, i ftuar në TPZ ka folur për humbjen e zgjedhjeve nga Partia Demokratike dhe fatin e kryetarit të partisë. Curri tha se Basha nuk do ta japë kurrë dorëheqjen, sepse partia është investim personal i “Sali Berishës dhe Lulzim Bashës”.
“Ekziston një Parti Demokratike që është investim personal i dy personave, zotit Berisha dhe zotit Basha.
Të dalim të themi, hiqni dorë, hapni dyert, ata nuk i dorëzojnë sepse e kanë investim personal. A mund ti detyrojmë, t’ua marrim çelësat? Nuk e di. A mund të rrimë gjithë jetën të shprehim dëshira, o zot i madh ishalla na i dorëzojnë celësat?
E konsiderojmë si fe, Partinë Demokratike dhe themi, çfarë do të ndodhë me të?
Ka parti politike që zhduken nga skena politike. Mund të lindin të djathta të tjera. Mund të mos ketë fare të djathtë.
Ne ja kemi lënë PD-së të gjitha në dorë dhe presim cfarë do të bëjë PD. Nuk kuptojmë që gjëja do të marrë ciklin e vet. Basha nuk do ta japë dorëheqjen. Po të ishte për ta dhënë do ta kishte dhënë.
Është investim i tij personal, si do t’ja heqim atë? Si ti thuash Papës, dorëzo çelsat e Vatikanit. Është e kotë t’i thuash dorëzo çelësat. A u merren çelësat? Dhe nëse u merren, si u merren? Sot po bëjmë të njëjtin debat si katër vite më parë”, – tha Curri.
Diskutime rreth kësaj post