Ditën e sotme pritet të mbahet mbledhja e parë nga Komisioni i Rithemelimit të Partisë Demokratike. Ky komision nuk i njeh vendimet që mori kryedemokrati Lulzim Basha pasi u shkarkua në Kuvendin e së shtunës.
Nuk dihet ende se ku dhe në cilën orë do të zhvillohet mbledhja e komisionit me 29 anëtarë. Më herët ata kanë deklaruar se selia blu iu përket demokratëve dhe se mund të shkojnë atje në çdo moment.
Mbetet për t’u parë, nëse Komisioni i Rithemelimit do të shkojë sot në selinë e PD. Ky komisionin përbëhet nga Sali Berisha, Belind Këlliçi, Albana Vokshi, Agron Shehaj, Aldo Bumçi, Arben Ristani, Bujar Nishani, Çlirim Gjata, Ervin Minarolli, Klevis Balliu, Eno Bozdo, Evi Kokalari, Edith Harxhi, Edi Paloka, Edmond Spaho, Flamur Noka, Genc Deromemaj, Genc Pollo, Oerd Bylykbashi, etj.
Kjo mbledhje vjen një ditë pasi Basha shkarkoi kryetarin e Këshillit Kombëtar të PD, Edi Palokën dhe anëtarët e Kryesisë dhe sekretarët që dolën në mbështetje të Berishës. Kryedemokrati miratoi dhe një rezolutë në mbledhjen e Këshillit, ku shpalli nul vendimet e Kuvendit të Berishës. Sot do të mësohen hapat që do të marrë Komisioni i Rithemelimit e PD.
Diskutime rreth kësaj post