A do futet LSI dhe PD në zgjedhje me lista të hapura dhe pa koalicione? Monika Kryemadhi flet për herë të parë

Kryetarja e LSI-së, Monika Kryemadhi ka deklaruar sot se ‘megjithë tentativat e kryeministrit Rama dhe Partisë Socialiste për të provokuar opozitën, edhe me ndryshimet kushtetuese ajo do të futet në zgjedhje”.

Kryetarja e LSI-së u shpreh pët Top Talk se sondazhet e fundit tregojnë se opozita sot është në kuotën e 86 mandateve dhe se nuk ka frikë të përballet me Partinë Socialiste në zgjedhje.

Denis Dyrnjaja: Edhe me ndryshimet kushtetuese që do bëjë Rama do shkoni në zgjedhje?

“Unë e kam thënë dhe me ambasadorët e huaj, kur kanë ardhur për përfshirjen e LSI-së në reformën zgjedhore, e kam thënë që mos u shqetësoni absolutisht. Edhe Taulant Balla po t’i numërojë votat e LSI-së dhe të opozitës, opozita ka mbi 86 mandate sot që flasim. Çdo hap i gabuar që bën Edi Rama dhe mazhoranca, shton akoma më shumë numrin e përkrahësve të opozitës, pavarësisht se kush është në opozitë. Një gjë duhet ta keni të qartë, nuk ka më asnjë lloj provokimi të Ramës për opozitën.”

Denis Dyrnjaja: Do futeni në zgjedhje me ndryshimet kushtetuese?

“Thashë që ky zotëria nuk na provokon dot. Sigurisht që do të futet në zgjedhje opozita, pse çfarë kujtoni ju?”

Denis Dyrnjaja: Edhe me ndryshimet kushtetuese?

“Po ç’ndryshime kushtetuese, ai rrezik sot del i katërti.”