A bëhet përzgjedhje selektive për trajtimin e pacientëve në Itali? Infermierja shqiptare nxjerr prapaskenat dhe tregon një ndër momentet më të vështira të saj

Infermieria shqiptare në spitalin e Cremonës në Itali, Ornela Korreshi ka treguar se së fundmi duket se tashmë situata duket se po shkon drejt një ulje.

Në një intervistë për Abc News ajo ka theksuar se është shumë e vështirë kur e shikon se sa shumë pacientë janë në gjendje të rëndë, duke theksuar rastin e një 23-vjeçari i cili kishte nevojë për terapi intensive.

Ndërkohë porsa i përket numrit të shqiptarëve të infektuar në spitalin ku ajo punon ka theksuar se është një numër i vogël.

Pjesë nga biseda:

Si është situata në spitalin e Cremonas?

Situata thuhet se është më e qetësuar kemi pasur më pak të infektuar, dhe kemi shpresa se piku i madh ka kaluar terapia intensive ka filluar të humbi numrin e situata pak më e përmirësuar. Numri i të infektuarve që vijnë në sallën e emergjencës është ulur ndjeshëm dhe besoj se ka rënie.

Me çfarë medikamentesh po trajtohen pacientët në këtë spital, ka ndryshuar mënyra e trajtimit të pacientëve në Itali?

Di të them se ka ndryshuar mënyra e përdorimit të terapive te pacientët nuk di të them me saktësi se çfarë është.

Sa i përket stafit mjekësor janë marrë të gjithë masat e mbrojtjes. Ju vetë keni frikë?

Unë jam shumë e mbrojtur nëse futem në atë sallë, por frika qëndron patjetër.

Ka një pretendim se në spitalet në Itali ka një selektim në lidhje me personat që do të mjekohen sa qëndron ky pretendim?

Për mua nuk qëndron. Kam parë një përkushtim 100% të të gjithëve, pa dallim, moshe, pa dallim racor. Nuk mund ta them një gjë të tillë pasi kam parë të kundërtën.

Çfarë mund të thuash për një ditë pune në një pajon të shtruarish me koronavirus?

Kam parë pacientin më të ri në terapi intensive, një 23 vjeçar. Ky është një rast që më paprekur jashtë mase, momenti kur në terapi intensive është futur një 23 vjeçar që vetë shefi i terapisë tha se duart e tij nuk bënin nuk mund të intubonin një të ri të kësaj moshe.

Sa i përket masave, çfarë suporti keni marrë ju nga shteti italian?

Ne jemi të pajisur dhe të mbrojtur është aktivizuar një linjë psikologjike për të gjithë operatorët e spitalit. Në momentin që ti stakohesh atëherë e kupton se çfarë je duke bërë. Unë personalisht jam ndjerë e përkrahur, psikologët janë në spital në shërbim të të gjithëve.

Shumë personel mjekësor janë të infektuar, keni ndonjë kolege që ju e njihni?

Është një infermiere që fatmirësisht është drejt shërimit ajo e kaloi në një mënyrë të thjeshtë, por di dhe shumë të tjerë që janë të prekur.

Po shqiptar të infektuar keni pasur në spital?

Po kam qenë pjesë e ekipit që kanë shoqëruar një mik të familjes, që u shtrua në terapi intensive por fatmirësisht tashmë është shumë mirë. Në spital kam dëgjuar se ka shumë pak shqiptarë të infektuar.