Deputetja e PS thirret në Prokurorinë e Krimeve të Rënda

Një deputete e Partisë Socialiste është thirrur nga Prokuroria për Krimet e Rënda për të dëshmuar në lidhje me dosjen “Habilaj”.

Lajmi bëhet i ditur përmes një mesazhi të ardhur në emisionin Opinion, të cilin drejtuesi Blendi Fevziu e lexoi live.

“Deputete e PS dhe ish-zyrtare e lartë është thirrur nga Prokuroria e krimeve të rënda për të dëshmuar. Unë emrin nuk po e them për etikë, kjo ngjarje ka disa ditë që ka ndodhur dhe nuk është konfirmuar ende”, deklaroi Blendi Fevziu.