Ngjarje e rëndë në Theth, punonjësi i parkut bie në humnerë

Një ngjarje  e rëndë është shënuar në Parkun Kombëtar të Thethit, ku një punonjës  i administratës  së Zonave të Mbrojtura, ka rrëshqitur  duke rënë në humnerë.

Nga të dhënat e para mësohet se punonjësi  është Pëllumb Guri, i cili është rrëzuar teksa montonte disa kamera sigurie.

Lajme.al ka mësuar se punonjësi Guri,  ka thyer këmbën  dhe po transportohet me helikopter  për në Spitalin e Traumës në Tiranë. Forcat RENEA kanë ndërhyrë dhe kanë bërë të mundur nxjerrjen e të plagosurit  nga humnera në Parkun Kombëtar të Thethit.