Makina përplas motorin në Devoll, humbin jetën dy persona

Dy persona kanë humbur jetën në një aksident tragjik të ndodhur në orët e para të pasdites së sotme.

Një makinë ka përplasur një motor rreth orës 15.00 të ditës së sotme, çka ka shkaktuar vdekjen e dy personave.

Më konkretisht aksidenti ka ndodhur në aksin rrugor Bilisht-Korçë, pranë kryqëzimit të fshatit Progër, në Devoll.

Një mjet tip “Benz” me targë AA501HV, me drejtues P.G., rreth 55 vjeç, banues në Bilisht, është përplasur me një mjet motor me të cilin udhëtonin dy persona ende të paidentifikuar.

Personat që ndodheshin në motor kanë gjetur vdekjen, gjatë transportimit për ndihmë mjekësore në spitalin e Korçës, si pasojë e dëmtimeve të marra.

Nuk dihen ende rrethanat e aksidentit, ndërkohë që grupi hetimor po punon për zbardhjen e rrethanave të ngjarjes.