Një tërbim dhe shqetësim i madh ka kapluar qeveritë botërore, pasi Koreja e Veriut ka nisur një raketë që fluturoi mbi Japoni dhe ra në Oqeanin Paqësor.
Pas këtij veprimi, kanë reaguar zyrtarët nga e gjithë vendet e botës, të cilët e kanë dënuar këtë veprim nga Pheniani.Në Tokio ka pasur reagim të madh, gjithashtu në Moskë, Pekin e Bruksel ku janë të shqetësuar, dhe të gjithë bëjnë thirrje për respektimin e rezolutave të Këshillit të Sigurimit të OKB-së.
“Të gjitha opsionet janë në tavolinë”, tha Trump duke shtuar se veprimet e Koresë së Veriut kanë treguar përbuzje për fqinjtë, transmeton lajmi.net. Ambasadorja amerikane në OKB, Niki Haley tha se nisja e raketave të fundit nga Koreja e Veriut është e papranueshme, dhe i bëri thirrje Këshillit të Sigurimit që të marrë masa serioze.Haley u tha gazetarëve se Kim Jong ka shkelur të gjitha rezolutat e KS të OKB-së, dhe për këtë arsye duhet të ketë një ndryshim serioz për këtë çështje.
“Ajo që është mjaft, është mjaft”, ka thënë Haley i cili shpreson se Kina dhe Rusia vazhdojnë të bashkëpunojnë me anëtarët e Këshillit të Sigurimit ku ata do të takohen më vonë për të diskutuar për programet bërthamore dhe raketore të Koresë së Veriut.
Më herët edhe kryeministri japonez deklaroi se incidenti paraqet një kërcënim serioz, i cili sipas tij nuk është parë më herët.
Ai gjatë një bisede telefonike me presidentin japonez ranë dakord për ta rritur presionin mbi shtetin e Koresë së Veriut.Kryeministri japonez shtoi se presidenti amerikan, Trump kishte një angazhim të fortë në mbrojtjen e Japonisë, që sipas tij është aleat i vetëm.
Me kërkesën e Uashingtonit është thirrur edhe një takim urgjent në Këshillin e Sigurimit të Kombeve të Bashkuara.Në të njejtën kohë edhe ministri i jashtëm rus, Seregi Lavrov tha se Koreja e Veriut duhet të respektoj Organizatën e Kombëve të Bashkuara.
“Ne e shohim si një tendencë drejt përshkallëzimit dhe jemi të shqetësuar në lidhje me zhvillimet e përgjithshme të situatës”, ka thënë zëvendësministri i jashtëm rus.
Ai akuzoi indirekt edhe SHBA-në për ushtrimet ushtarake, që sipas tij kanë nxitur provokimin e Phenianit.Edhe Federica Mogherini shprehu mbështetje për Japoninë. Ajo tha se Pheniani duhet të veprojë sipas rezolutave të OKB-së, dhe të largohet nga veprimet provokuese.
Kryeministrja e Britanisë, një shteti tjetër të fuqishëm ka thënë se është e tmerruar nga ky provokim siç e ka cilësuar ajo të Kim Jongut.Reagim ka pasur edhe presidenti francez, Emmanuel Macron i cili tha se Franca do të vazhdojë me një politikë pa kompromis ndaj programit balistik të Koresë së Veriut.Situata është përshkallëzuar edhe më shumë kur si përgjigje ndaj Phenianit, Koreja e Jugut ka kryer disa stërvitje ushtarake të ajrit.
Koreja e Veriut kishte lëshuar një raketë e cila kishte shkuar në drejtim të Japonisë dhe kishte përfunduar në Oqean.Ajo edhe nga ekspertët u cilësua si provokimi i radhës nga Kim Jong, përgatiti Express.
Diskutime rreth kësaj post