Situata aktuale e skuadrës tonë kombëtare është ndoshta më e vështirë në epokën De Biasi. 4 humbjet rradhazi që nuk vinin prej 12 vitesh , por edhe çështja Xhaka apo problemet me tifozët kanë krijuar një frymë negative përreth kuqezinjëve. Presidenti i Federatës Shqiptare të Futbillit Armando Duka, në një letër të hapur në portalin zyrtare të këtij insitucioni shkruan se kritikat janë të pranueshme, por jo nga disa “zhurmues dhe persona që mezi presin disfatën e kombëtares.
“Rezultatet e fundit të kombëtares natyrisht nuk janë të kënaqëshme. Jo thjesht për shkak të pozicionit në klasifikim. Mund të ishte bërë më mirë, mund të ishte bërë më shumë. Por, gjithsesi kjo nuk justifikon kurrsesi një frymë negative dhe disa kritika të pamerituara për skuadrën, trajnerin, dhe ndonjë lojtar të veçantë. Nuk kemi kohë dhe luksin të merremi me debate boshe dhe “zhurmues” që mezi presin që të humbasim”.
Duka adresoi edhe çështjen Xhaka duke theksuar se vendimet e trajnerit duhen respektuar, por njëkohësisht duhet edhe të mirëkuptohet ndonjë veprim i nxituar i futbollistëve.
“Vendimet e trajnerit duhen respektuar, por edhe ndonjë reagim i “nxituar” duhet mirëkuptuar. Eshtë momenti për një ribashkim të forcave te gjithsecilit, duke vënë mbi të gjitha, interesin e kombëtares”.
Në fund kreu i qeverisë shqiptare të futbollit u ndal edhe tek problemet me tifozët ku shkruan se ajo që ndodhi në Palermo na dëmtoi, por tifozët duhet të kthehen në stadium për një qëllim të vetëm , që është kombëtarja kuqezi.
“Ata tifozë, të cilët në Francë na bënë të gjithë krenarë, nuk mund të dalin kundër vetvetes, dhe në dëm të interesave të futbollit. Ajo që ndodhi në Palermo nuk ndhmon askënd. Përkundrazi: Ka dëmtuar rëndë imazhin e ngritur me aq mund të futbollit tone. Tifozet duhet të kthehen ne stadium me dinjitet për të mbështetur kombëtaren e tyre”.
Presidenti i Federatës Shqiptare të Futbollit nuk u fokusua tek çështja e së ardhmes së trajnerit, ku kujtojmë se kontrata aktuale e De Biasit përfundon në mbyllje të eliminatoreve të botërorit.
Diskutime rreth kësaj post