Ndotja e hidrokarbureve në Ohër nuk e ka prekur pjesën shqiptare

Një konstatim i ndotjes së Liqenit të Ohrit në pjesën Maqedonase nga  mbetjet e hidrokatbureve, ka alarmuar specialistët mjedisor në AdZM-në ne Korçë.

Menjëherë ne qytetin e Pogradecit kanë shkuar specialistët për të inspektuar brigjet shqiptare të liqenit.

Nga inspektimi i specialistëve , nuk janë konstatuar ndotje të kësaj natyre në pjesën shqiptare.

Monitorimi periodik në brigjet e këtij liqeni është i domosdoshëm dhe për faktin se jemi në pragfillimin e stinës së ngrohtë, ku vizitorët shtohen në brigjet e Pogradecit dhe rrethinave të tij.