Renditja e FIFA-s, Shqipëria e mbyll 2016 në vëndin e 49

Të 49-tët në botë. Në këtë vend e mbyll kombëtarja shqiptare vitin 2016-të në klasifikimin botëror të publikuar nga FIFA.

Kombëtarja shqiptare nuk lëvizi asnjë pozicion nga ky klasifikim i fundit, ashtu si dhe shumcia e kombëtareve të tjera.

Viti 2016-të do të jetë padyshim një vit që nuk do të harrohet lehtë për shqipërinë, pasi bëri të mundur që për herë të parë në histori të marrë pjesë në një kompeticion ndërkombëtar, siç është kampionati europian.

Kuqezinjtë e De Biasit arritën që në këtë vit të bëjnë mrekullinë duke shkuar në Francë, ku bënë një paraqitje dinjitoze.

Ndërkohë, përsa i përket Kosovës e cila gjithasthu hodhi një hap historik në futboll, pasi u pranua me të drejta të plota nga UEFA dhe FIFA duke marrë pjesë në eliminatoret e kampionatit botëror e ka mbyllur 2016-tën në vendin e 165-të.

Ndërsa sa i përket vendeve të para Argjentina vijon të mbajë vendin e parë, e ndjekur nga Brazili në vendin e dytë, dhe Gjermania në vendin e tretë.