Është treguar shkencërisht se përkëdhelja dhe përqafimi me qentë tek njerëzit nxit tajitje të të ashtuquajturit hormon i lumturisë, gjë që përfundimisht rezulton me lirimin nga stresi. Ngjashëm ndikon tek njerëzit edhe fjetja me qenin.
TË LEJOHET apo të mos lejohet qeni të flejë në krevat bashkë me pronarin e vet apo me më shumë sish?
Është kjo një dilemë e përhershme e pronarëve të kanakarëve në gjithë botën! Ata të cilët nuk lejojnë këtë, si arsye kryesore theksojnë shkaqet higjienike, transmeton Telegrafi.
Për të gjithë ju, që akoma hamendeni rreth vendimit definitiv, po i theksojnë disa përparësi për ju dhe për organizmin tuaj, që mund të keni nga fjetja me qenin.
Para së gjithash, është treguar shkencërisht se si përkëdhelja dhe përqafimi me qentë tek njerëzit nxit tajitje të të ashtuquajturit hormon i lumturisë, që si përfundim rezulton me lirimin nga stresi. Ndikon ngjashëm te njerëzit edhe fjetja me qenin!
Përveç që do t’ju lirojë nga stresi prania e qenit në krevatin tuaj, tek ju do të ndikojë në mënyrë qetësuese dhe do t’ju japë ndjenjën e sigurisë. Konkretisht, do t’ju lirojë nga e gjithë ajo për ç’shkak zakonisht nuk mund të flini. Dhe kur të flini, me trupin e vet qeni do t’ju ngrohë sikur ndonjë mini-radiator!
Nëse nga ta rastësisht vuani, në mëngjes kur të zgjoheni të çlodhur dhe pa stres (por edhe para ngritjes nga shtrati përkëdheleni pak) më lehtë do të përballeni me ankthin dhe depresionin!
Fatkeqësisht, nuk mund të flenë të gjithë me qenin! Para së gjithash, fjalën e kemi për alergjikët, të cilët nga fjetja me kanakarin mund të kenë më shumë dëm se dobi.
Çfarëdo që të vendosni, me rëndësi është që të jeni konsekuent! Më e keqja për qenin është nëse në situata të caktuara i lejoni të qëndrojë në krevat, por ekzistojnë edhe situata në të cilat ia ndaloni këtë.
Diskutime rreth kësaj post