Përfaqësuesja e Bashkimit Europian në Shqipëri, Romana Vlahutin deklaroi këtë të enjte se vetting-u, procesi që do marrë në shqyrtim gjithë gjyqtarët dhe prokurorët, është kushti kryesor ndaj Shqipërisë në rrugën e integrimit.
Ajo tha se tashmë qytetatërt e kanë të qartë se kur nisin negociatat për anëtarësimin në Bashkimin Europian.
“Gjëja më e rëndësishme në raportin e këtij viti është, veç lajmit të mirë, se ka një lidhje të qartë dhe direkte të implementimit të reformës në drejtësi dhe rrugës së Shqipërisë drejt Bashkimit Europian. E para dhe më e rëndësishmja pikë bashkimi është vetting-u. Është shumë e rëndësishme që kushdo që do të drejtojë Shqipërinë në të ardhmen dhe drejt anëtarësimit në Bashkimin Europian, reforma në drejtësi dhe implementimi i saj do të jetë detyra kryesore. Dhe është mirë që kjo është e qartë sepse qytetarët kështu janë në gjendje të masin dhe kuptojnë qeverisjen më mirë. Nuk po them qeverinë, por qeverisjen”, deklaroi Vlahutin.
Ambasadorja e BE vlerësoi se raporti është pozitiv në 90 për qind të tij, por, sipas saj, ka ende punë për të bërë.
“Zgjedhje të lira dhe të ndershme, kësaj po i japim shumë vëmendje. Ka një reformë që po kryhet dhe Parlamenti duhet të dalë me një përgjigje për rekompanimet e ODIHR-it, në mënyrë që zgjedhjet e ardhshme të jenë të mirëpërgatitura përpara”, tha Vlahutin.
Diskutime rreth kësaj post