Ish-ministri i Jashtëm Paskal Milo në emisionin ”45 minuta” të gazetarit Denis Minga në Report TV ka zbuluar një detaj të pathënë më parë, të takimit të vitit 1999 në Athinë, kur së bashku me kryeministrin Ilir Meta ngritën për herë të parë Çështjen Çame.
Ndërsa kryeministri grek Simitis gjatë konferencës për shtyp mohoi ekzistencën e Çështjes Çame, duke vënë në siklet palën shqiptare, Milo tregon se kur e ka pyetur jashtë kamerave Simitis se përse mbajti këtë qëndrim kur çështja u diskutua në takim ai u përgjigj: “Pse si mendoni ju, se unë e kam të lehtë me mediat dhe opinonin grek këtu?!”.
Sipas Milos, kjo çështje duhet të zgjidhet me dialog dhe aspak me një klimë të tensionuar siç po ndodh sot. Për ish-ministrin e Jashtëm retorika me Greqinë sot ka shkuar kaq larg sa kjo mund të ndikojë edhe në një veto të mundshme të Greqisë për negociatat e Shqipërisë.
Ju ngritët në Athinë çështjen çame për herë të parë ku Meta ishte kryeministrit dhe ju ministër i Jashtëm në vitin 1999. Si u trajtua atëherë çështja çame dhe a ka ndryshim me mënyrën si po trajtohet sot?
Ai moment ishte një moment menaxhimi i qetë diplomatik me shumë finesë dhe që të dy kryeministrit dhe unë që kam qenë prezent në takim e kemi trajtuar me realizëm por duke patur parasysh që është një çështje shume delikate sapo behet publike ndez gjakrat e palëve.
Po në takimin brenda me ju si reagoi kryeministri grek ndaj Çështjes Çame që ju parashtruat?
Do ju them vetëm një fjalë që po e them për herë të parë në studio . Kur e kam pyetur ish-kryeministrin e Greqisë në atë kohë Simitis duke i thënë që me deklaratën tuaj para gazetarëve ju e keni vënë çështjen çame në një pozitë mohuese dhe ne në një pozitë aspak të favorshme ai mu përgjigj: Pse si mendoni ju se unë e kam të lehtë me mediat dhe opinionin grek këtu”.Pra unë mendoj që çështje të tilla delikate nuk zgjidhen duke i nxjerrë në pazar dhe duke akuzuar me terma të forta atë më të cilin kërkon që të arrish marrëveshjen. Sepse në mes janë ngjarje që i ka rënduar e kaluara, kur ju shtohen edhe emocionet e ditës dhe llogaritë e përditshmërisë politike atëherë bëhet sikur ju hidhet benzinë zjarrit. Në vend që të shuajnë zjarrin, qeveritarët bëjnë të kundërtën, godasin njëri tjetrin, bëjnë replika me një gjuhë aspak diplomatike.
Diskutime rreth kësaj post