Nga Eric Bernaudeau
Kur gjeopolitika bashkohet me sportin. Të shtunën, kur Shqipëria të përballet me Zvicrën në Lens për ndeshjen e tyre të parë në Euro 2016, dy vëllezër, Granit dhe Taulant Xhaka, do të jenë në fushë… por si kundërshtarë.
Dy lojtarët kanë lindur në Bazel pak kohë pasi prindërit e tyre, ashtu si 300 000 kosovarë të tjerë, i largoheshin luftës në ish-Jugosllavi. Ndërkohë që më i talentuari, Graniti, zgjodhi të qëndrojë në Zvicër, Taulanti, më i vogli, vendosi të mabjë ngjyrat e prindërve të tij.
“Të ishim kundërshatrë në Evropian, ishte gjëja e fundit që donim”, tregonte së fundmi Graniti për agjencinë SID.
“Nuk do ta sulmoj me shumë dhunë”, ka premtuar nga ana tjetër Taulanti.
Të rritur që të dy në FC Bazel, Taulanti dhe Xhaka, që kanë qenë pjesë e ekipit të të rinjve të Zvicrës, panë fatet e tyre të ndahen. Nëse i pari vazhdon të luajë në qytetin që e adoptoi, Graniti nga ana e tij vajti në maj të 2012 në klubin gjerman të “Borussia Mönchengladbach”.
Ndërsa në majin e 2016, ai që trajneri zviceran Ottmar Hitzfeld e quente një “(Bastian) Schweinsteiger i ri”, lojtar kryesor i klubit gjerman, ka firmosur për sezonin e ardhshëm me ekipin e Arsenalit. Duke arritur një transfertë të vlerësuar në rreth 40 milionë euro dhe kuke u bërë lojtari më i shtrenjtë në historinë e Zvicrës.
Rikthim në Kosovë?
Në moshën 23 vjeçare, Graniti, që mban numrin 10, ka luajtur 43 herë me kombëtaren dhe gjatë Euro 2016 do të mbulojë një rol të ri, atë të mesfushorit.
Por pranimi i kohëve të fundit në FIFA të federatës së Kosovës, që do i mundësojë të marrë pjesë në eleminatoret e Botërorit 2018, ka ngritur shumë pyetje mbi të ardhmen e tij në ekipin e Zvicrës.
Madje Granit Xhaka ka lënë të nënkuptohet se një njohje e Kosovës mund ta nxisë të bashkohet me ekipin e vendit të origjinës.
Por në pritje të kësaj përgjigje, është në stadiumet franceze që ai do të përpiqet të justifikojë vlerën e lartë të transferimit tek Arsenali dhe kjo do të fillojë me takimin e së shtunës përballë Shqipërisë, ku gati gjashtë lojtarë kanë lindur ose janë rritur në Zvicër./
Diskutime rreth kësaj post