Opozita godet me vezë Ramën dhe ministren Felaj

Maxhoranca kaloi dekretet e presidentit Nishani për 2 shkarkimet dhe emërimet e ministrave të rinj në qeveri ndërkohë që opozita kishte bllokuar foltoren.

Mësohet se deputetët demokratë kanë hedhur vezë në drejtim të kryeministrit por vezët kanë prekur Ermonela Felajn, jo Ramën.

Në një moment të caktuar Rama është goditur me top letre.

13: 09 Votohet dekreti i  presidentit 

Opozita vijon të mbajë të bllokuar foltoren nderkohe që Valentina Leskaj hodhi për votim dekretin e presidentit. 74 vota pro, asnje kunder asnje abstenim, dekreti për shkarkimin e ministrit Shkelqim Cani

77 vota pro asnjë kundër asnjë abstenim emërimi i Ahmetajt. 76 vota pro emërimi I Milva Ekonomit si ministre e Ekonomisë.

13:00 Gazetari i Ora News raporton: “Skenari I PD-ës është jo bojkoti por për të mos lejuar asnjë nga deputetë e maxhorancës për të folur për rendin e ditës. Ky vendim u mor pasi demokratët kërkuan përfshirjen me procedurë të përshpejtuar të kërkesave të tyre”

 Topalli: Leskaj të ikë, në vend të Ramës të ulet Prenga. 5 minuta pushim

Ora 12: 55 Topalli :Zonjë sot nuk ka seancë plenare. Në këtë parlament nuk mund të futen më kriminelë. Më mirë të ikë kryeministri dhe në vend të rrijë Armando dhe Armandot e tjerë. Nuk është faji i Prengës por i Edi Ramës. Parlament me krim brenda nuk ka Zonjë, e mirë është që ti të ikësh se je në konflikt interesi dhe në vend të Ramës të ulet Prenga.

Valentina Leskaj i quajti akuzat e PD si mashtrim për të manipuluar popullin.

Kryetari i grupit parlamentar Gramoz Ruçi nis të flasë por deputetët e PD-së i bien tavolinave. Ruçi kërkon 5 minuta pushim.

Ora 12: 48: Opozita bllokon foltoren e Kuvendit. Pas deklaratës së kreut të Grupit PD-së Edi Paloka.

Ora 12: 40 Vijon seanca parlamentare. Aktualisht po mban fjalën kryetari i grupit PD, Edi Paloka.

Ora 12: 37 Grupi i PD deklaron se nuk do të bojkotojë seancën: Do qëndrojmë në seancë, por në aksion dhe debate.

Ora 12: 18 Shtyhen punimet e parlamentit për disa minuta, PD kërkon mbledhje grupi.

Elmazi: Asnje deputet i PD-se nuk ka pasur veze

Ora 11: 58 Deputetja Elmazi mohon lajmin se ajo apo deputetë të tjerë të PD-së kanë pasur vezë në çantë dhe tregon një portofol. “Nuk është e vërtetë nuk ka pasur as vezë  por disa para të vogla. Unë nuk vij nga rruga vij nga universiteti” tha ajo në një prononcim për News24

Bylykbashi: Vetëpezullimi është nul

Ora 11: 52 Deputeti Oerd Bylykbashi deklaroi se PD kërkon me ligj të pezullohet ushtrimi  i funksionit për të arrestuarit në flagrancë derisa të marrë vendim gjykata.

“Nuk kërkojmë asgjë më shumë është ndryshim parimor dhe procedurë e ndjekur nga maxhoranca. Vetëpezullimi është nul nuk ekziston as si kriter ligjor” tha Bylykbashi duke iu referuar rastit të Armando Prengës

Konferenca nuk pranon iniciativat e PD

Ora 11: 38 Konferenca e kryetarëve, nuk pranon asnjë nga iniciativat e PD për dekriminalizimin dhe komisionet hetimore . Nuk pranohen të miratohen me procedure te përshpejtuar aktet për dekriminalizimin

Garda kontroll në hyrje të Parlamentit, deputete te PD kapen me veze 

Ora 11 15 Deputetët po i nënshtrohen një kontrolli të rreptë nga Garda e Republikës.

Burime nga Parlamenti bëjnë të ditur për Ora News se deputeteve të PD, Eleina Qirici. Liljana Elmazi  dhe Bedri Hoxha  iu gjetën vezë gjatë kontrollit në çanta.

Ka hipoteza për një skenar të opozitës për të bllokuar seancën parlamentare.

Ora 10:00  Parlamenti do të votojë sot dekretet e Presidentit Nishanit për shkarkimet dhe emërimet në qeveri. Të enjten e shkuar Parlamenti nuk hodhi në votim dekretet e kreut të shtetit për shkarkimin e ministrit të Financave, Shkëlqim Cani dhe Shkarkimin e Arben Ahmetaj nga posti i ministrit të Zhvillimit Ekonomik dhe Sipërmarrjes.

Ky veprim solli edhe reagimin e Nishanit, i cili iu drejtua Gjykatës Kushtetuese për të interpretuar nenn e Kushtetueses për shkarkimet dhe emërimet e ministrave.

Ndërkohë gjatë seancës së sotme pritet të ketë debate edhe për nismat e PD për dekriminalizimin dhe komisionet hetimore.

Përveç akteve nënligjore  me formularët e vetëdeklarimit për ligjin e dekriminalizimit.

Një ditë më parë demokratët kanë propozuar edhe disa ndryshime. Ata propozojnë që ligji për dekriminalizimin të pezullojë nga politika funksionarët dhe të zgjedhurit kur ata arrestohen në kushtet e flagrancës.

Demorkatat kanë propozuar edhe ndryshime në komisionet hetimore, i cili pamundëson bllokimin nga mazhoranca të punës përmes mos pranisë së anëtarëve të mazhorancës.