Në rrjetet sociale jemi mësuar ta shohim gjithmonë të buzëqeshur, me stil dhe plot jetë. Por pas imazhit glam, Efi Dhedhes, ish-finalistja karizmatike e Big Brother VIP Albania 2, ka kaluar një periudhë të vështirë në jetën e saj dhe këtë herë ka vendosur ta ndajë me ndjekësit.
E pyetur se kur e ka nisur rrugëtimin me psikologun, Efi tregoi hapur:
“Te psikologu kam shkuar në momentin më të errët të jetës sime, ku nuk pashë më dritë”
Ajo i këshillon të gjithë që të mos presin fundin për të kërkuar ndihmë, por ta bëjnë kujdesin për veten pjesë të përditshmërisë. Sipas saj, sado të flasim me njerëzit që kemi pranë, askush nuk na kupton sa vetja jonë. Psikologu, thotë ajo, të ndihmon të rikthehesh tek vetja.
Pas kësaj faze sfiduese, Efi ka ndjekur edhe një terapi specifike që e ka ndihmuar jashtë mase – BWRT. Një ndjekës e pyeti se me çfarë e ka ndihmuar më shumë kjo terapi dhe përgjigja ishte e qartë:
“Me çdo gjë. Terapia BWRT është një terapi e shpejtë dhe efektive që ndihmon në çlirimin nga ankthi, fobitë, traumat dhe mendimet e padëshiruara duke punuar direkt me mënyrën si truri i përpunon përjetimet pa pasur nevojë të rikujtosh ngjarjen nëse nuk ke dëshirë”
BWRT – BrainWorking Recursive Therapy është një formë moderne e psikoterapisë që përdor teknika të neuroshkencës për të ndihmuar individin të ndërpresë reagimet emocionale të pavullnetshme që lidhen me ankthin, traumën apo mendimet e padëshiruara. Ajo punon në mënyrë të thellë me sistemin nervor, duke shmangur rikthimin emocional tek ngjarjet e kaluara, dhe është veçanërisht e dobishme për ata që nuk duan të rihapin plagët e së shkuarës për të ecur përpara.
Diskutime rreth kësaj post