Metoda e re e nominimit: Të gjithë djemtë e shtëpisë shkojnë në televotim, Kelly shpëton

Spektakli i radhës i Big Brother VIP Albania ka sjellë një surprizë të papritur për banorët, duke ndryshuar rregullat e nominimit.

Në një zhvillim të paprecedentë, të gjithë djemtë e shtëpisë janë vënë në nominim, me përjashtim të dy banorëve që kishin mundësinë të shpëtonin, në bazë të vendimeve të vajzave.

Vajzat u ndanë në dy grupe për të vendosur se cilin nga djemtë do të shpëtonin nga nominimi.

Grupi i parë, i përbërë nga Rozana, Gerta, Danja dhe Rizarta, vendosi të shpëtonte Kellyn, duke i dhënë atij imunitet për këtë javë.

Ndërkohë, grupi tjetër, i përbërë nga Valbona, Ola, Loredana dhe Mikela, nuk arriti të bënte një zgjedhje, duke humbur mundësinë për të shpëtuar një nga djemtë. Për këtë arsye, pjesa tjetër e djemve mbeti në nominim.

Një tjetër vendim i rëndësishëm i spektaklit ishte edhe ai për Valbonën, e cila gjithashtu u vendos në nominim.

Arsyeja është se ajo dhe Laerti luajnë si një lojtar i vetëm, duke ndarë të njëjtin fat në lojë.

Ky ndryshim i papritur në rregullat e nominimit ka tronditur dinamikën brenda shtëpisë, duke sjellë tension dhe diskutime mes banorëve, të cilët tani përballen me pasojat e vendimeve të marra nga grupet e tyre.

Të mbetet për t’u parë se si do të ndikojë kjo strategji në ecurinë e lojës dhe cili prej të nominuarve do të largohet nga gara këtë javë.