Mesditën e kësaj të hëne, Monika Kryemadhi, është paraqitur në Prokurorinë e Posaçme (SPAK), në zbatim të masës “detyrim paraqitje të caktuar nga GJKKO.
Para se të futej në SPAK, Kryemadhi nuk nguroi të shkëmbente dhe batuta me gazetarët ku u shpreh: “Ato videot mi qani, mi bëni shumë të bukura”.
Kujtojmë se masa ndaj Kryemadhit, është caktuar pas bashkimit të dosjeve nga SPAK për çështjen CEZ-DIA, lobimin në SHBA të ish-LSI-së, si dhe hetimin pasuror ndaj tyre.
Ndaj saj janë ngritur akuzat për veprat penale “Korrupsioni pasiv i funksionarëve të lartë shtetërorë ose të zgjedhurve vendorë” në 2(dy) raste dhe në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim, dhe “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i cdo personi që ka detyrimin ligjor për deklarim”.
Pak ditë më parë, Gjykata e Lartë rrëzoi rekursin e saj dhe të Ilir Metës për ndrsyhimin e masave të sigurisë.
Diskutime rreth kësaj post