Presidenti i Federatës Shqiptare të Futbollit, Armand Duka është pritur në një audiencë nga Ati i Shenjtë, Papa Françesku në Vatikan. Një takim mjaft i veçantë, ku Presidenti Duka i shprehu Shenjtërisë së Tij falenderimet dhe mirënjohjen për kontributin e paçmuar që ka dhënë në lartësimin e vlerave të humanizmit dhe mesazhet e tij për paqen dhe unitetin në të gjithë botën.
Papa Françesku vlerësoi rolin e sportit në ndërtimin e një shoqërie më të bashkuar dhe më të drejtë. Takimi ishte një moment simbolik që nënvizoi rëndësinë e sportit si një urë komunikimi mes popujve në botë. Presidenti Duka i dhuroi një fanellë speciale të kombëtares shqiptare, e ku në shpinë ishte numri 1 me emrin e Papa Françeskut.
Në këtë takim të veçantë, Duka u shoqërua edhe nga presidenti i FIGC, Gabriele Gravina.
Ndërkohë, presidenti Duka, dy ditë më parë mori pjesë në Asamblenë Zgjedhore të FIGC, ku u rikonfirmua Gravina si president i Federatës Italiane të Futbollit për 4 vitet e ardhshme.
Diskutime rreth kësaj post