Kryeministri Edi Rama ishte i pranishëm në eventin e mbajtur te Piramida e Tiranës në lidhje me platformën ‘Plug and Play’ e cila ka zgjedhur Tiranën si qendër e talenteve në Ballkan.
Gjatë fjalës së tij, Rama u shoreh se vendi ynë ka pozicionin më të përparuar në qeverisjen digjitale në të gjithë rajonin dhe se ky hap është i rëndëishëm në transformimin rrënjësor të Shqipërisë.
“Nuk ka rëndësi kush je dhe nuk ka rëndësi çfarë ngjyre ka lëkura jote, çfarë feje i përket apo e mallkon zotin nga mëngjesi deri në darkë. Ka vetëm një gjë rëndësi, çfarë fantazie dhe aftësie ke për tu dalluar nga të tjerët. Duhet aksesi në hapësira si kjo e ‘Plug and Play’. Unë jam shumë i emocionuar sot, jo se më kanë munguar eventet për të pasur emocione, por se në rastin konkret është një gur shumë i rëndë kilometrik në rrugën e transformimit rrënjësor të Shqipërisë dhe në tatëpjetën e zhvillimit drejt 2030.
Ishim në hapjen e derës së institutit të Roçesterit, një ditë më parë ishim në hapjen e derës të qendrës së prodhimit audiovizuale me partnerë amerikanë me njërëz që vijnë nga industria më e madhe audiovizive në botë që mbështesin qendrës. Jo shumë nga këtu po bëhet gati të hap derën shkolla e 42, një hapësirë e jashtëzakohsme që ofron mundësi njohje dhe dije për ata që duan të eksplorojnë pafundësine e botës digjitale. Pak metra më larg është qendra e ekselencës për të vegjlit TUMO që mirëpret shumë fëmijë dhe është në gjendje të mirëpres akoma më shumë fëmijë nga 12-18 që dëshirojnë të hyjnë në botën e teknologjisë janë të mirëpritur.
Kurset aty ofrohen falas dhe është vërtetë e bukur ndjesia që mund të vazhdojë të numëroj në një fushë ku ne ishim më mbrapa nga të tërë. Ndërkohë që sot ne kemi pozicionin më të përparuar në qeverisjen digjitale në të gjithë rajonin, jemi në pjesën e sipërme të klasifikimit në Europë sepse ofrojmë 95 % të shërbimeve publike online dhe kemi kryer falë sistemit të ri mbi 45 milionë shërbimë në totale, 45 milionë kontakte persona me persona.”
Diskutime rreth kësaj post