Një sondazh i fundit i realizuar nga Instituti Ndërkombëtar Republikan ka nxjerrë në pah diferenca të mëdha në mbështetje midis kryeministrit socialist Edi Rama dhe kryetarit të Partisë Demokratike, Sali Berisha. Sipas rezultateve, Rama gëzon një mbështetje prej 36%, krahasuar me vetëm 15% për Berishën.
Gjithashtu, sondazhi tregon se qeveria aktuale socialiste ka një nivel të përgjithshëm aprovimi prej 58%, duke dëshmuar një qëndrim pozitiv të shumicës së të anketuarve ndaj drejtimit aktual të vendit.
Analisti Fitim Zekthi analizoi këto rezultate, duke u ndalur te sfidat e mëdha që po përballet Partia Demokratike. Sipas tij, PD-ja ka humbur një pjesë të konsiderueshme të mbështetësve, çka reflektohet në një refuzim të lartë nga publiku.
Zekthi theksoi se problemi i PD-së është rrënjësor dhe i lidhur me një krizë të gjatë lidershipi dhe imazhi. Ai shtoi se, që nga nisja e lëvizjes së Sali Berishës për të rimarrë drejtimin e PD-së, partia ka pësuar tkurrje në përmasa të mëdha, ndërsa perceptimi i publikut për të si një opozitë e fortë dhe e aftë është dëmtuar rëndë.
Ky sondazh reflekton një situatë të polarizuar në politikën shqiptare, ku opozita duket të jetë në një moment dobësie të theksuar, ndërsa mazhoranca socialiste ruan një mbështetje të fortë në publik.
“Është shumë e dukshme, duhet thënë se vihet në dukje se publiku shqiptar refuzon të gjitha partitë e mëdha, por në masën tre herë më shumë refuzon Partinë Demokratike. Dhe kjo është një fatkeqësi shumë e rëndë për ne, kur në të gjithë botën fitojnë partitë opozitare. Më vjen keq ta them, por kjo është ditur dhe nuk është një gjë që po përballemi sot. Në vjeshtën e vitit 2021 kur Berisha nisi lëvizjen për të çliruar PD nga kapja, dihet që do të tkurrej, pasi ishte kundër historisë dhe kundër kohës. Gjatë 8 viteve partinë e drejtoi një njeri tjetër dhe kur iku, iku si një njeri që humbi. Pra në këtë kuptim dihej. Instituti që ka bërë sondazhin, ka një traditë në çështjen e konsulencave zgjedhore. Berisha në vitin 2005 kishte 2-3 % hendek…Në atë kohë u përpoq të jepte një imazh edhe më shumë”, tha Zekthi.
Diskutime rreth kësaj post