Deputeti demokrat Gazmend Bardhi është paditur nga ish-drejtori i policisë Shkodër Edmond Sulaj për “Shpifje” dhe “Fyerje kryer botërisht”.
Këtë të hënë u zhvillua edhe seanca në Gjykatën e Posaçme ku ishte i pranishëm Edmond Sulaj, ndërsa deputeti demokrat preferoi të mbrohej përmes avokatëve të tij.
Analisti, Frrok Çupi komentoi këtë çështje, në një intervistë për një emision televiziv. Gjatë intervistës, Çupi u shpreh se Partia Demokratike është kthyer në një parti shpifësish. Gjithashtu theksoi se shpifja shkatërron dinjitetin dhe personalitetin dhe se sipas tij duhet ndëshkuar.
“Është një shpifje dhe një akt kriminale, tani po e shohim që ikën Bardhi dhe vjen Argita, pra të gjithë janë me ngarkesat e shpifjes. Këto shfaqen para gjyqit për shkak se shpifin. Partia Demokratike dhe sidomos partia e Berishës, shpifjen e kanë edhe lënë të parë, por edhe produkt. Shpifja ka filluar pak para se të themelohej PD. Atje disa themelues janë detyruar të arratisen të largohen për shkak se në kohën kur Berisha nuk ishte dakord me ta, ky i cilësonte spiun të Ramiz Alizë. Pra hedhja baltë kundër njerëzve është në cilësinë e asaj partie. Pra e konsiderojnë si mjet punë shpifjen. Kjo ndodh sepse në këtë grupim politik, pandëshkueshmëria është tipar. Rasti i Salianjit ishte një rast që vendosi një standard, që të ndëshkohet kushdo që shpif kundër tjetrit dhe krijon lajm të rremë. Rasti i tij, prej tyre po trajtohet si rast politik, i burgosur politik, për t’i dhënë kurajë të gjithë shpifësve. Këto duket që janë hapur shpifjes, siç ishte edhe Argita Malltezi për Irena Gjokën. Këto janë shantazhe të qëllimta kundër drejtësisë. Shpifja është bombë nukleare që shkatërron dinjitet, lidhje, cilësi. Kjo politikë e tyre djeg vetëm vlerat. Shpifjet mbeten shpifje dhe mbeten më të rënda kur kryhen politikisht. Politika ka moral dhe ligj sepse një politikë pa moral dhe ligj nuk është në dobi të vendit dhe të njeriut, por këta e kanë bërë të pamoralshme”, tha ndër të tjera Çupi.
Diskutime rreth kësaj post