Ikona e muzikës shqiptare, Parashqevi Simaku, ka pasur një surprizë të paharrueshme në New York, kur pasardhëset e Sevasti dhe Parashqevi Qiriazi e nderuan me një takim të papritur.
Ky moment i bukur është konfirmuar nga Elton Ilirijani, i cili ka ndarë disa pamje nga takimi në rrjetet e tij sociale, duke i dhënë më shumë jehonë kësaj ngjarjeje të veçantë.
“Ky është shtëpia e Eltonit, që ma ka lënë vetëm që t’ju pres si nder. Ishte surprizë, mua nuk më tha. Jam shumë e prekur. U shokova që ne gratë shqiptare kemi përparuar kaq shumë. Edhe kur pashë Elvirën, i thashë ‘a je shqiptare ti?’ sepse mu duk si amerikane”, tha Parashqevia gjatë takimit, duke u shprehur me emocion për përparimin dhe suksesin e grave shqiptare në mërgim.
Pas kësaj, Simaku, siç ka bërë gjithmonë, ia mori këngës dhe valleve. E shfaqur e buzëqeshur, ajo u kënaq me ritmet e këngëve popullore jugore shqiptare, duke shtuar një atmosferë të ngrohtë dhe festive.
Në këtë ngjarje të veçantë, nuk mungoi as kënga ikonike “Fustanin që ta solla mbrëmë”, një ndër hitet që ka shoqëruar gjithë karrierën e saj.
Ky takim ka qenë një reflektim i forcës dhe trashëgimisë kulturore shqiptare, një moment që shfaq jo vetëm pasurinë e muzikës dhe këngës, por edhe rëndësinë e vazhdimësisë dhe përparimit të artistëve shqiptarë nëpër botë.
Simaku, me humorin dhe thjeshtësinë e saj, vazhdon të mbetet një simbol i gjallë i artit shqiptar dhe frymëzon breza të rinj që ndjekin rrugën e saj të suksesit dhe pasionit për muzikën.
Diskutime rreth kësaj post