Një ngjarje e rëndë ndodhi pranë shkollës “Fan Noli” në Tiranë, ku 14-vjeçari Martin Cani humbi jetën pasi u godit me thikë nga një bashkëmoshatar. Autori, po ashtu 14 vjeç, është arrestuar dhe i është caktuar masa e sigurisë “arrest me burg.” Sipas raportimeve, viktima dhe autori ishin shokë dhe kishin një konflikt që përshkallëzoi tragjikisht. Një tjetër adoleshent u plagos gjatë incidentit dhe po merr trajtim mjekësor në spital.
Autorit të vrasjes së 14-vjeçarit Martin Cani, i është komunikuar masa e sigurisë në spital, ku pas shërimit do të shkojë në burg.
Gjyqtarja dhe Prokurori i kanë shkuar në spital, ku ndodhet i shtruar prej disa ditësh, për shkak të plagës me thikë, për të zhvilluar masën e sigurisë për 14-vjeçarin M.P. Prokuroria ka ngritur ndaj tij akuzën e vrasjes në rrethana cilësuese.
Gjithashtu, ndaj të miturit rëndon edhe akuza e mbajtje pa leje të armëve të ftohta.
Grupi hetimor është rikthyer ditën e djeshme në vendngjarje dhe ka sekuestruar kamerat e sigurisë në zonë, ku dyshohet se autori është larguar me vrap me shokët dhe kushërinjtë e tij.
Diskutime rreth kësaj post