Pedagogu dhe eksperti i Bujqësisë, Gjok Vuksani në një intervistë në Ora News u shpreh se kthimi i produkteve ‘’made in Albania’’ nga vendet e BE janë bërë pasi në produktet shqiptare janë gjetur pesticide të ndaluara nga BE.
Vuksani: Duhet të themi që është një lajm i keq kthimi i produkteve ‘’made in Albania’’ jo nga një vend i BE por nga katër vende të BE nga data 29 nëntor deri në mesin e dhjetorit.
Arsyeja është e thjeshtë se mbi bazën e analizave që ato kryejnë në mënyrë të randomizuar pra jo me qëllim vetëm për produktet shqiptare janë gjetur pesticide të ndaluara për tu përdorur në BE.
Janë gjetur ca element që përdoren ca substanca që përdoren për trajtimin e sëmundjeve dhe dëmtuesve në bimët bujqësore të cilat prej viti 2000 janë hequr nga qarkullimi në BE.
Njëri prej të cilëve është hequr për arsyen se shkakton dëm të madh tek njerëzit.
Pavarësisht se ato janë substanca të rrezikshme, të dëmshme e të ndaluara nga BE ne vazhdojmë ti përdorim.
Fermerët shqiptarë vazhojnë ti përdorin.
Arsyeja mund të jetë panjohuria e tyre, pra ato nuk e dinë se këto substanca janë nxjerrë jashtë qarkullimit në BE si pasojë e rrezikshmërisë së tyre.
Arsyeja e dytë mund të jetë veprimatria abuzuese e tregtarëve që merren me produktet e tilla.
Diskutime rreth kësaj post