Mbrëmë, Arioni u eliminua përfundimisht nga gara për çmimin e madh të Big Brother VIP Kosova 3, pas votave të publikut që e renditën atë si më pak të preferuarin ndër pesë të nominuarit.
Largimi i tij shënoi fundin e rrugëtimit të tij brenda shtëpisë, por gjithashtu hapi një diskutim të gjerë mes publikut për transparencën e procesit.
Në rrjetet sociale, shikuesit kanë ngritur dyshime se Arioni kishte fituar një biletë kthimi, por kishte refuzuar ta përdorte atë. Dyshimet u forcuan pas një deklarate intriguese që ai bëri pak para se të hapte zyrtarisht biletën: “Po ma kanë dhënë, po më kanë ba, po unë nuk kthehem”, tha Arioni, duke shtuar paqartësi mbi situatën.
Një tjetër detaj që ka ngjallur diskutime është fakti që procesi i hapjes së biletës nuk u shfaq para kamerave, duke lënë hapësirë për spekulime në lidhje me drejtësinë dhe transparencën e vendimeve.
Shumë fansa të formatit kanë kërkuar sqarime nga produksioni, duke kërkuar më shumë transparencë në trajtimin e rasteve të tilla, veçanërisht kur bëhet fjalë për elementë që mund të ndikojnë rrjedhën e lojës dhe besueshmërinë e spektaklit.
Eliminimi i Arionit lë gjithashtu një boshllëk në dinamikën e shtëpisë, ndërsa banorët e mbetur vazhdojnë garën për çmimin e madh. Publiku, ndërkohë, mbetet i ndarë mes mbështetjes për lojtarët e preferuar dhe skepticizmit për mënyrën e zhvillimit të lojës.
Diskutime rreth kësaj post