“Ethet e Nilit”: Konfirmohet rasti i parë në Lushnje

Një person në lagjen Savër në rajonin nr 5 në Bashkinë e Lushnjes është ekzaminuar me virusin “Ethet e Nilit”.

S.D, një 63-vjeçar që jeton mes Shqipërisë dhe Greqisë, pasi është larguar drejt shtetit helen disa ditë më parë për t’u kuruar, është ekzaminuar me virusin e rrallë për vendin tonë.

63-vjeçari ka parë me habi, pasi rezultonte i prekur nga “Ethet e Nilit”. Pasi është ndjerë keq, 63-vjeçari është larguar drejt Greqisë, ku po kurohet dhe më pas atje është konfirmuar prekja nga virusi.

Këto fakte i konfirmojnë jashtë kameras fqinjët dhe banorët e zonës.

Ndërkohë, nisur nga situata, Ministria e Shëndetësisë, ka nisur protokollin e këtyre rasteve dhe disa net më parë është kryer dhe disinfektimi i zonën në Savër, proces i kryer në orët e vona të natës.

Nga autoritetet vendore konfirmohet fakti se është kryer disinfektimi dhe nuk ka asnjë informacion tjetër në lidhje me këtë situatë.