Masa e arrestit të shtëpisë nga Gjykata ka sjellë edhe heqjen e disa privilegjeve që ish kryeministri Sali Berisha gëzonte si deputet në Kuvendin e Shqipërisë.
Kuvendi i Shqipërisë i ka ndërprerë Sali Berishës rimbursimin për karburantin dhe telefonin, me arsyetimin se këtë vendimmarrje e ka të bazuar në vendimin e Gjykatës së Posaçme, e cila ka vendosur arrestin shtëpiak për deputetin.
“Referuar statusit të deputetët dhe vendimi nr. 114/2014 “Për mënyrën e trajtimit të deputetëve”, të ndryshuar deputeti Sali Berisha nuk i paguhen përfitimet si karburanti dhe telefoni për shkak të masës së sigurimit personal të vendosur nga Gjykata e Posaçme e Shkallës së Parë për Korrupsionin dhe Krimin e Organizuar, me vendim nr. 520 datë 30.12.2023”, thuhet në vendim.
Nga 30 dhjetori 2023 Sali Berisha ndodhet në arrest shtëpie. Ai akuzohet për korrupsion pasiv në bashkëpunim për privatizimin e ish-kompleksit Partizani./albeu.com
Diskutime rreth kësaj post