Gjatë një interviste televizive, kryeministri i sapozgjedhur i Maqedonisë së Veriut, Talat Xhaferri, foli për shkarkimin e dy ministrave dhe propozimet për qeverinë e tij, ku theksoi se funksionon plotësisht dhe pa probleme.
“Qeveria po funksionon plotësisht. Janë ndërmarrë veprime dhe masa në lidhje me zgjidhjen e statusit të një pjese, përkatësisht të anëtarëve të Qeverisë në përputhje me procedurën e përcaktuar dhe me kompetencat e dhëna me Kushtetutë”, është shprehur kryeministri Xhaferi.
Gjithashtu, ai theksoi se fokusi i tij primar janë kompetencat që i ka si Kryetar i Qeverisë të Republikës së Maqedonisë së Veriut.
“Unë jam Kryetar i Qeverisë dhe jam përgjegjës për Qeverinë. Unë kujdesem që Qeverinë ta udhëheq sipas ligjeve, rregulloreve dhe procedurave dhe funksionimit të Qeverisë”, përfundoi Xhaferi.
Diskutime rreth kësaj post